Minecraft PE'ga mod (addon) qanday o'rnatiladi: .mcpack va .mcaddon

Minecraft PE (Bedrock) uchun modlar odatda addon deb ataladi va .mcpack yoki .mcaddon formatida keladi. Ularni o'rnatish kompyuterdagidan ancha oson — fayl ochilganda o'yin uni o'zi import qiladi.

Nima kerak

• Minecraft Bedrock: Android, iOS yoki Windows (Microsoft Store versiyasi).
• Addon fayli: .mcpack, .mcaddon (mod), .mcworld (xarita) yoki .mctemplate (dunyo shabloni).

1. Faylni yuklab oling

Saytdagi mod sahifasida «Yuklab olish» tugmasini bosing — @grontmcbot fayl yuboradi. Mod qaysi Minecraft versiyasiga mosligini sahifadagi «Versiya» qatoridan tekshiring: eski addon yangi o'yinda ishlamasligi mumkin.

2. Faylni Minecraft bilan oching

• Android: Telegram'da fayl ustiga bosing → «Ochish» → Minecraft. Agar ro'yxatda Minecraft chiqmasa, fayl menejer (masalan, Files) orqali Telegram papkasidan faylni toping va oching.
• iOS: faylni «Ulashish» → «Minecraft» orqali oching.
• Windows: faylga ikki marta bosing.

Ekran tepasida «Import started…», keyin «Successfully imported» yozuvi chiqadi — addon o'yinga qo'shildi.

3. Dunyoda yoqing

1. Yangi dunyo yarating yoki mavjud dunyoning qalam belgisini (Edit) bosing.
2. Behavior Packs → «Available» ro'yxatidan addonni tanlab Activate bosing.
3. Resource Packs bo'limida ham yoqilganini tekshiring (ko'pincha avtomatik qo'shiladi).
4. Ba'zi addonlar Experiments (eksperimental funksiyalar) yoqilishini talab qiladi — bu mod tavsifida yoziladi. Diqqat: Experiments yoqilgan dunyoda yutuqlar (achievements) ishlamaydi.

Fayl .zip bo'lib kelsa

Agar addon .zip arxivda bo'lsa va ichida manifest.json fayli bo'lsa, kengaytmasini .mcpack ga o'zgartiring — keyin yuqoridagidek oching.

Muammo chiqsa — .mcpack ochilmayapti: yechimlar qo'llanmasiga qarang. Addonlar: Minecraft PE modlari, PE xaritalari, teksturalar.